ޠުފައިލް ބުނު ޢަމްރުއްދައުސީ ރަޟިޔަﷲ ޢަންހު - 3

ދެން އެތަނުން އަހުރެންގެ ޤައުމަށް ދަތުރު ފެށީމެވެ. ދަތުރުކުރަމުން އައިސް ރަށުގެ ގެތަކާއި ފާރުތައް ފެންނަ ހިސާބަށް އާދެވުނުތަނާ ކުއްލިއަކަށް އަހަރެންގެ ނިތްކުރީން ބައްތިއެއް ފަދައިން ގަދަ އަލިކަމެއް ފާޅުވެއްޖެއެވެ. އަހުރެން ﷲ އަށް ދެންނެވީމެވެ. [އިލާހީ! މި އަލިކަން މިއަޅާގެ މޫނު ފިޔަވައި އެހެން ތަނެއްގައި ލައްވައިފާނދޭވެ! އެހެންނޫނީ ޤައުމުގެ މީހުންނަށް މިއަޅާގެ މޫނު ފެންނުމުން "ތިޔައީ ކާބަފައިންގެ ދީން ދޫކޮލުމުގެ ސަޒާއޭ! އަލިކަމެއް ނޫނޭ!" ބުނެފާނެއެވެ.] އަހަރެން މިހެން ދުޢާކުރުމާއެކު އެއަލިކަން އަހަރެންގެ ނިތްކުރިން އަަހަރެންގެ ލޮންސީގެ ކޮޅަށް ބަދަލުވެއްޖެއެވެ. ލޮންސީގެ ކޮޅުގައި ބައްތިއެއް ދިއްލާފައިވާހެން ހީވާކަހަލައެވެ. ދެން ފަރުބަދަ މަތީން ފައިބައިގެން އަހަރެންގެ ޤައުމުގެ ކައިރިއަށް އައުމުން އެންމެ ފުރަތަމަވެސް އަހަރެންނާ ބައްދަލުކުރުމަށް އައީ އަހުރެންގެ މުސްކުޅި ބައްޕައެވެ. އަހުރެން ބައްޕައަށް ދެންނެވީމެވެ. [ލޯބިވާ ބައްޕާއެވެ! އަޅުގަނޑާ ދުރުގައި ހުންނަވާށެވެ! އަޅުގަނޑުމެން ދެމީހުންގެ މެދުގައި މިހާރު އެއްވެސް ތިމާގެ ކަމެއް ނުވެއެވެ.]

ފެންކައްކާބޮލީގެ ޢިއްޒަތް

ލިޔުނީ: އިނާޒް ޢަދުނާން

އަދުގެ ދުނިޔޭގައި ނިކަމެތި ޤައުމުތަކުގެ މައްޗަށް ބާރާއި ނުފޫޒު ފޯރުވުމުގެ އިމާމުންނަކީ އެމެރިކާ އާއި ޔޫރަޕެވެ. އާދެ! ހުޅަނގުގެ ޤައުމުތަކެވެ. އެބައިމީހުންނަކީ އެބައިމީހުންގެ އަމިއްލަ މަޞްލަޙަތާއި ފައިދާއަށްޓަކައި މުޅި ދުނިޔޭގައި ހަންފަތުރަމުން ގެންދާ ބައެކެވެ. ޤައުމުތަށް އަޅުވެތިކުރުމަށްޓަކައި އެބައިމީހުން ގެންގުޅޭ އުކުޅަކީ ނިކަމެތި ޤައުމުތަކުގެ ވެރިކަމަށް އިސްވާ މީހުންނަކީ ހުޅަނގަށް ވަފާތެރި ބަޔަކަށް ހެދުމެވެ. އެއްބަޔަކަށް ފައިސާގެ ދަޅަދައްކައިގެންނެވެ. އަނެއްބަޔަކަށް ލަޓިބުރީގެ ބިރުދައްކައިގެންނެވެ. މި ދެގޮތުންވެސް އެކުވެރިނުވެއްޖެ ވެރިއަކީ އެބައިމީހުންގެ ދުޝްމަނެއްކަމުގައި ކަނޑައަޅައި އެމީހަކު ވެރިކަމުން ދުރުކުރުމަށް ކުރެވެން ހުރި ހުރިހާ މަސައްކަތެއް އެޤައުމުތަކުން ގެންދަނީ ކުރަމުންނެވެ.

ޞައްޙަ ޢަޤީދާ - 13

އަޞްލު ލިޔުއްވީ: ސަމާޙަތުއްޝައިޚް ޢަބްދުލްޢަޒީޒް ބުނު ޢަބްދުﷲ ބުނު ބާޒް (ރަޙިމަހުﷲ)

ތަރުޖަމާ: އައްޝައިޚް އާދަމް ޝަމީމް ބިން އިބްރާހީމް

ނުބުއްވަތުގެ ޒަމާނާއި ދުރުވުމާއި، ޖާހިލުކަން ބޮޑުވުމުގެ ސަބަބުން ޝިރުކުގެ ބާވަތްތައް މީސްތަކުންގެ ތެރޭގައި މިޒަމާނާއި ޖެހެންދެން ފެތުރެމުން ވަނީ އައިސްފައެވެ. ފަހުގެ މީހުންނަށް އަރާފައިވާ އޮޅުމަކީ ހަމަ ކުރީގެ މީހުންގެވެސް އޮޅުމެވެ. އެއީ އެބައިމީހުން ބުނާގޮތުގައި هَـٰؤُلَاءِ شُفَعَاؤُنَا عِندَ اللَّـهِ – يونس 18 – މާނައީ: "އެފަރާތްތަކަކީ ﷲ ގެ ޙަޟްރަތުން އަހަރަމެންގެ ޝަފާޢަތްތެރިންނެވެ."

مَا نَعْبُدُهُمْ إِلَّا لِيُقَرِّ‌بُونَا إِلَى اللَّـهِ زُلْفَىٰ – الزمر 3 – މާނައީ: "ތިމަންމެން ﷲ އާއި ގާތްވުމަށްޓަކައި މެނުވީ އެފަރާތްތަކަށް އަޅުކަން ނުކުރަމުއެވެ." މިއެވެ.

ހަމަ ޔަޤީނުން ﷲ ވަނީ މިޝުބުހާ ބާޠިލުކުރައްވައި އެކަލާނގެ ފިޔަވައި އެހެން ކޮންމެ ފަރާތަކަށް އަޅުކަންކުރި ނަމަވެސް ހަމަކަށަވަރުން އެމީހަކު، އެކަލާނގެ އާއި ޝަރިކުކޮށްފިކަމާއި އަދި ކާފަރުވެއްޖެކަމުގައި އަންގަވައި ބަޔާންކުރައްވާފައިވެއެވެ. މިގޮތުން އެކަލާނގެ ވަޙީކުރައްވާފައިވެއެވެ. وَيَعْبُدُونَ مِن دُونِ اللَّـهِ مَا لَا يَضُرُّ‌هُمْ وَلَا يَنفَعُهُمْ وَيَقُولُونَ هَـٰؤُلَاءِ شُفَعَاؤُنَا عِندَ اللَّـهِ ۚ – يونس 18 – މާނައީ: "އަދި އެބައިމީހުން ﷲ ފިޔަވައި އެބައިމީހުންނަށް ގެއްލުމެއް އަދި ފައިދާއެއް ނުދޭ ފަރާތްތަކަކަށް އަޅުކަންކުރެއެވެ. އަދި އެއުރެން ބުނެތެވެ. މިފަރާތްތަކަކީ ﷲ ގެ ޙަޟުރަތުގައި އަހަރަމެންގެ ޝަފާޢަތްތެރީންނެވެ."

ޠުފައިލް ބުނު ޢަމްރުއްދައުސީ ރަޟިޔަﷲ ޢަންހު - 2

ޠުފައިލް ބުނު ޢަމްރު ރިވާކުރައްވައެވެ. އަހުރެންނަށް މައްކާއަށް ވަދެވުމާއި އެކު ޤުރައިޝުންގެ ސަރުދާރުންތައް އައިސް އަހުރެން ވަށައިލިއެވެ. އަދި ވަރަށް ހޫނު މަރުޙަބާއެއް ކިޔައި ނުހަނު ޢިއްޒަތާއެކު އަހުރެންނާއި އިސްތިޤުބާލު ކުރިއެވެ. ދެން މައްކާގެ ހުރިހާ ސަރުދާރުންނާއި ޢިއްޒަތްތެރީން އެއްތަނަކަށް ޖަމާވެ، އެމީހުންގެ ކައިރިއަށް އަހުރެން ގެންދިޔުމަށް ފަހު ބުންޏެވެ. [ޠުފައިލެވެ! ތިބާ މިރަށަށް ވަޑައިގެންފީމުއެވެ. މިރަށުގައި އޭނާ އަމިއްލައަށް ނަބީކަމަށް ދަޢުވާކޮށްގެން އުޅޭ މީހަކު އެބަ އުޅެއެވެ. އޭނާ، އަހަރަމެންގެ ޚިޔާލުތައް ވިއްސިވިހާލި ކޮށްލައިފިއެވެ. އަހަރަމެންގެ މެދުގައި ދެކޮޅުވެރިކަން އުފައްދައިފިއެވެ. އަދި އަހަރަމެން ބައިބައިކޮށްފިއެވެ. އަހަރަމެން ބިރުގަންނަނީ ފަހަރެއްގައި މި މުޞީބާތް ތިބާގެ ޤައުމުގެ މައްޗަށް ވެސް އަތުވެދާނެތީއެވެ. އަހަރަމެންގެ އިޚުލާޞްތެރި އެދުމަކީ ތިބާ އޭނާ އާއި ބައްދަލުނުކުރެއްވުމެވެ. އޭނާ އާއި ވާހަކަނުދެއްކެވުމެވެ. އަދި އޭނާގެ ވާހަކަ އަޑުވެސް ނުއެއްސެވުމެވެ. އެހެނީ އޭނާގެ ވާހަކައިގައި ޖާދޫގެ އަސަރުވެއެވެ. އޭނާގެ ވާހަކައިގެ ސަބަބުން ބައްޕަ އާއި ދަރީން، އަޚުންނާއި އަޚުން އަދި އަނބީންނާއި ފިރީން ވަކިވެދެއެވެ.]

ފަލަ މީހުންގެ ނިސްބަތް އަށްޑިހަ ދެ އިންސައްތަ އިތުރުވެއްޖެ: ދިރާސާ

ލިޔުނީ: އަލްއަޚް އާދަމް

ވޭތުވެދިޔަ ވިހި އަހަރުގެ ތެރޭގައި ފަލަ މީހުންގެ ނިސްބަތް އަށްޑިހަ ދެ އިންސައްތަ އިތުރުވެފައިވާކަމަށް ދާދިފަހުން ހާމަކުރެވުނު ދިރާސާއަކުން ދައްކައިފިއެވެ.

ޞިއްޙަތާ ބެހޭ މަޖައްލާއެއްކަމުގައިވާ "ދި ލާންސެޓް" އިން ކުރި މި ދިރާސާއިން ދައްކާގޮތުން އާދަޔާޚިލާފަށް ފަލަވުމުގެ ސަބަބުން ޖެހުނު ބަލިތަކުގައި 2010 ވަނަ އަހަރު ތިން މިލިޔަން މީހުން ވަނީ މަރުވެފައެވެ. މިއީ ބަނޑުހައި ހޫނުކަމުގެ ސަބަބުން މަރުވި މީހުންގެ ނިސްބަތަށްވުރެ ތިން ގުނަ އިތުރު ޢަދަދެކެވެ.

ދުނިޔޭގެ ފެންވަރުގައި ކުރެވުނު މި ބޮޑު ދިރާސާއިން އެގުނުގޮތުގައި ވޭތުވެދިޔަ ވިހި އަހަރުގެ ތެރޭގައި އިންސާނުންގެ އެވްރެޖް ޢުމުރު މައްޗަށް ގޮސްފައިވާއިރު ނުރައްކާތެރި ބަލިތައްވެސް ދަނީ އިތުރުވަމުންނެވެ. އަނެއްކޮޅުން އެކި ޤައުމުތަކުގެ މީހުންގެ މެދުގައި އެވްރެޖް ޢުމުރުގައި ވަރަށް ބޮޑެތި ތަފާތުތަކެއްވެސް އެބަހުއްޓެވެ. އަވަހަށް މަރުވާ މީހުންގެ ނިސްބަތް އެންމެ މަތީގައި އުޅެނީ އެފްރިކާގެ ސަބް ސަހާރާ ސަރަޙައްދުގެ ޤައުމުތަކުގައެވެ.

ޠުފައިލް ބުނު ޢަމްރުއްދައުސީ ރަޟިޔަﷲ ޢަންހު - 1

ޠުފައިލް ބުނު ޢަމްރަކީ ޖާހިލިއްޔަ ޒަމާނުގައި ދައުސް ވަންހައިގެ ޢިއްޒަތްތެރި ޝަރަފުވެރި ސަރުދާރުންގެ ތެރެއިން އަރައި ހުންނެވި ސަރުދާރެކެވެ. އަދި އެކަލޭގެފާނު ހިމެނިވަޑައިގަންނަވަނީ ޢަރަބީންގެ ހިތްވަރުގަދަ ކެރޭ ފަހުލަވާނުންގެ ތެރެއިންނެވެ. އަދި އެކަލޭގެފާނަކީ ބޭނުމެއް ޖެހިގެން އައި އެއްވެސް މީހަކަށް އެކަލޭގެފާނުގެ ގޭގެ ދޮރު ފަހަރެއްގައިވެސް ބަންދު ކުރައްވާފައި ނުވާ ދީލަތި ހިތްޕުޅު ތަނަވަސް ބޭކަލެކެވެ. ބަނޑުހައިވެފައިވާ މީހާއަށް ކާންދެއްވައެވެ. ބިރުގެންފައިވާ މީހާއަށް ތަސައްލީ ދެއްވައެވެ. ރައްކާތެރިކަމަށް އެދިގެން އަންނަ މީހާއަށް އެކަލޭގެފާނުގެ ގެއިން ރައްކާތެރިކަން ދެއްވައެވެ. މި ހުރިހައި ކަމަކާއެކު އެކަލޭގެފާނަކީ ވަރަށް ވިސްނުން ތޫނު ބުއްދިވެރި އަދީބެއް ވެސް މެއެވެ. އެކަލޭގެފާނަށް ލިބިފައިވަނީ ނުހަނު ޙައްސާސް ހިތްޕުޅެކެވެ. އެކަލޭގެފާނުގެ ޝުޢޫރުތައް ނުހަނު ސާފު ޠާހިރެވެ. ވާހަކަ ދެއްކުމުގެ އުކުޅުތައް ދެނެވަޑައިގަންނަވައެވެ. އެކަލޭގެފާނު ދައްކަވާ ވާހަކަފުޅުގައި ޖާދޫގެ އަސަރު އެކުލެވިގެންވާ ކަހަލައެވެ.

ބައްޕައަށް ނުބައިކޮށް ހިތުމުގެ ނަތީޖާ

ތަރުޖަމާ: އިނާޒް ޢަދުނާން

އަލް ޢަޞްމަޢީ ، އަޢުރާބީއެއްގެ ކިބައިން ރިވާކުރައްވާފައި ވެއެވެ. އެ އަޢުރާބީ ކިޔައިދިނެވެ. 

މީސްތަކުންގެ ތެރޭގައި ހުރި އެންމެ ނުބައި މީހާ އާއި އެންމެ ރަގަޅު މީހާ ހޯދައި އެމީހުންނާ ބެހޭ މަޢުލޫމާތު ޙާޞިލްކުރުމަށް ނިޔަތް ގަނެގެން އަހަރެން ދަތުރަކަށް ނުކުތީމެވެ. އަހުރެން ރަށްތަކާއި އަވަށްތަކުގައި ނުބައިމީހުންނާއި ރަގަޅުމީހުން ހޯދުމަށް އަތްފުނާއަޅަމުން ދަތުރުކުރަމުން ދިޔައީމެވެ. މިގޮތުގެމަތީން ދަތުރުކުރަނިކޮށް އެއްފަހަރެއްގައި އަހުރެންނަށް އެރުނު ރަށަކުން ފެނުނު މަންޒަރަކީ ކަރުގައި ވާގަޑެއް އައްސާފައިވާ މުސްކުޅި ފިރިހެނެކެވެ. އެ ވާގަނޑުގައި ބޮޑު ދަގަނޑު ބަރެއްވެސް އެލުވާފައި އޮތެވެ. އެ މުސްކުޅިޔާގެ ފަހަތުގައި ޒުވާނަކު ހުއްޓެވެ. އެ ޒުވާނާ ގެންދިޔައީ މުސްކުޅިޔާގެ ކަރުގައި އައްސާފައި އޮތް ވާގަނޑަށް ދަމަމުންނެވެ. އަދި ހަމަ އެއާއެކު އޭނާގެ އަތުގައި އޮތް ޗާބޫކުން މުސްކުޅިޔާގެ ގައިގާ ތަޅަމުންވެސް ގެންދިޔައެވެ.

ފުރަތަމަ ވައްކަން

ތަރުޖަމާ: އިނާޒް ޢަދުނާން

އެއްފަހަރަކު އަބޫބަކްރުއްޞިއްދީޤު ރަޟިޔަﷲ ޢަންހުގެ އަރިހަށް ވަގަކު ގެނެވުނެވެ. އޭނާ ވައްކަންކުރިކަން ސާބިތުވުމުން އޭނާގެ އަތް ކެނޑުމަށް އަބޫބަކްރުގެފާނު ޙުކުމްކުރެއްވިއެވެ. އެކަލޭގެފާނަކީ ނުހަނު ހިތްޕުޅުހެޔޮ އޯގާތެރި ބޭކަލެކެވެ. އެހިނދު ވަގުކަލޭގެ ދެންނެވިއެވެ. [އޭ ރަސޫލުﷲ ޞައްލަﷲ ޢަލައިހި ވަސައްލަމަގެ ޚަލީފާއެވެ! ތިމަންގެ މައްޗަށް ރަޙުމްކުރައްވައި މާފުކުރައްވާށެވެ. ތިމަން މީގެކުރިން ދުވަހަކުވެސް ވައްކަމެއްކޮށްފައެއްނުވާނެއެވެ.]

އަބޫބަކްރުއްޞިއްދީޤު ރަޟިޔަﷲ ޢަންހު ވިދާޅުވިއެވެ. (( كَذَبْتَ وَالَّذِي نَفْسِي بِيَدِهِ! مَا غَافَصَ اللهُ مُؤْمِنًا بِأَوَّلِ ذَنْبٍ يَعْمَلُهُ )) [ތިބާ ދޮގުހަދައިފިއެވެ. ތިމަންގެ ނަފްސު އެފަރާތެއްގެ ބާރުގެދަށުގައިވާ ފަރާތް ގަންދީ ބުނަމެވެ. ﷲ ތަޢާލާ މުއުމިނުއަޅާއަށް ކުރެވޭ ފުރަތަމަ ފާފައަށް ފަހަރެއްގައިވެސް އޭނާއަށް ސަޒާއެއްނުދެއްވާހުއްޓެވެ.]

މުސްލިމުންގެ މައްޗަށް ޤަތުލްޢާންމު

ލިޔުއްވީ: އައްޝައިޚް އާދަމް ޝަމީމް ބިން އިބްރާހީމް

މިއަދު ދުނިޔެއަށް އިރު އަރާ ކޮންމެ ދުވަހަކީ މުސްލިމުންނަށް ބިރުވެރިކަން ބޮޑު ދުވަހަކަށް ވަނީ ވެފައެވެ. އަދި އިރު އޮށްސޭ ކޮންމެ ރެއަކީ ނާމާން ރެއެއްކަމުގައި ވަނީ ވެފައެވެ. މުސްލިމުން ނިކަމެތި ކުރުމަށްޓަކައި އިސްލާމްދީނުގެ ޢަދާވާތްތެރިން މޮޔަ ގެރިތަކެއް ތެޅޭހެން ތެޅެނީއެވެ. 

ކައުއިތުރު މާތް ނަބިއްޔާ عليه الصلاة والسلام ޚަބަރު ދެއްވާފައިވާ ފަދައިން އިރުގެ އަލިކަން ފޯރާ ކޮންމެ ހިސާބަކަށް މާތްވެގެންވާ އިސްލާމްދީން، ދުނިޔެމަތީގައިވާ ހަމައެކަނި ހައްގު ދީން މިއަދު ފޯރާފައި ވާތީއެވެ. ހަމައެފަދައިން މިދީނުގެ ޢާދާވާތްތެރިން، އެހެން ދީންތަކާއި މަޛްހަބު ތަކުގެ މީހުން ބަނޑުހައިވެފައިވާ ބަޔަކު ކާއެއްޗިހީގެ މަލާފަތެއްގެ މައްޗަށް އަރައިގަންނަ ފަދައިން މި އުންމަތުގެ އަހުލުވެރިންގެ މައްޗަށް އަރައިގަނެފައި ވެއެވެ.

ދުނިޔޭގެ މުޞީބާތަކާއި އުނދަގޫތައް - 13

ތަރުޖަމާ: އިނާޒް ޢަދުނާން

އިމްތިޙާނާއި ސަޒާގެ ފަރަޤު

·        މުޞީބާތްމެދުވެރިވީ ﷲ އަށް ކިޔަމަންތެރިކަން އަދާކުރުމުގެ ސަބަބުންކަމުގައިވާނަމަ މިސާލަކަށް ޖިހާދުގެ މައިދާނުގައި ޒަޚަމްވުން، ﷲ އަށްޓަކައި ހިޖުރަކުރުމުގެ ތެރޭގައި މުދަލާއި ފައިސާކޮޅު އަތުން ބީވެގެންދިއުން، އިސްލާމްދީން ޤަބޫލުކުރުމުން ނުވަތަ މާތް ނަބިއްޔާ z ގެ ސުންނަތަށް ޢަމަލުކުރުމުން ވަޒީފާގެއްލިގެން ދިއުން ފަދަ ކަމެއްކަމުގައިވާނަމަ މިފަދަ މުޞީބާތްތަކާ އުނދަގޫތަކަކީ އިމްތިޙާނެކެވެ. އަދި ކެތްތެރިކަމާއެކު މިފަދަ ކަންތައްތައް އުފުލައިފި މީހަކަށް އެކަމުގެ ދަރުމަލިބޭހުއްޓެވެ. އަދި އެކަމަށް ނުރުހި ރުޅިވެރިކަން ފާޅުކޮށްފިމީހާ ﷲ ގެ ކޯފާ އަށް ދަޢުވަތުދީފިއެވެ.

·        މުޞީބާތް ޖެހުނީ ނުބައި ޢަމަލެއްގެ ސަބަބުންކަމުގައިވާނަމަ މިސާލަކަށް ބަނގުރާ ބޮއި މަސްތުވާތަކެތި ބޭނުންކޮށް ޒިނޭކުރުމުގެ ނަތީޖާއެއްގެ ގޮތުން ނުރައްކާތެރި ބައްޔެއް ޖެހުންފަދަ ކަމެއްނަމަ ބެލެވޭނީ އެއީ ﷲ ގެ ހަޟްރަތުން އައި ސަޒާއެއްކަމުގައެވެ. އެފަދަ މީހަކަށް އެދެވިގެންވަނީ އެންމެހާ ފާފަތަކުން ދުރުވުމަށް މަސައްކަތްކުރުމެވެ. އަދި ފަހަރެއްގައި ފާފައަކަށް އަރައިގަނެވުނަސް އަވަސްއަވަހަށް ﷲ ގެ ޙަޟްރަތަށް ރުޖޫޢަވެ ތައުބާވުމެވެ. ފަހެ މިފަދައިން ޢަމަލުނުކޮށްފިނަމަ އާޚިރަތުގެ ޢަޒާބު ގަދަފަދަވެގެންވާކަން ހަނދުމަކުރުން ހުއްޓެވެ.

ސަޢޫދީޢަރަބިއްޔާގެ ވަލީ ޢަހްދު ނާއިފް ބިން ޢަބްދުލްޢަޒީޒު އަވަހާރަވެއްޖެ

 

ލިޔުނީ: އިނާޒު އަދްނާނު

ސަޢޫދީއަރަބިއްޔާގެ ވަލީޢަހްދު އަމީރު ނާއިފް ބިން ޢަބްދުލްޢަޒީޒު އާލްސަޢޫދު ޢުމުރުފުޅުން 78 އަހަރުގައި އަވަހާރަވެއްޖެއެވެ. 

ސަޢޫދީ ޢަރަބިއްޔާގެ ދައުލަތުގެ މީޑިއާ އިން ހާމަކޮށްފައިވާ ގޮތުގައި ނާއިފް އަވަހާރަވެފައިވަނީ ޖެނީވާގައެވެ. އަމީރު ނާއިފްގެ ޖަނާޒާ އޮންނާނީ އަންނަ އާދިއްތަ ދުވަހު މަޣްރިބްނަމާދަށް ފަހު މައްކާގެ ޙަރަމްފުޅުގައެވެ. 

އަމީރު ނާއިފް އަވަހާރަވުމުން ހުސްވެފައިވާ ވަލީޢަހްދުގެ މަޤާމަށް އައު ބޭފުޅަކު ޢައްޔަންކުރެއްވުމަށް ރަސްގެފާނު ޢަބްދުﷲ ބިން ޢަބްދުލްޢަޒީޒު އައްޔަންކުރައްވާނެކަމަށް ބެލެވިފައިވަނީ މިހާރުގެ ޑިފެންސް މިނިސްޓަރ ސަލްމާން ބިން ޢަބްދުލްޢަޒީޒެވެ.

ދުނިޔޭގެ މުޞީބާތްތަކާއި އުނދަގޫތައް - 12

ތަރުޖަމާ: އިނާޒް ޢަދުނާން

މުޞީބާތުގެ ވަގުތުގައި ހަމައެކަނި ﷲ ގެ ޙަޟްރަތުން މަދަދަށް އެދޭށެވެ!

މުޞީބާތެއް ނުވަތަ ދަތި އުނދަގުލެއް ކުރިމަތިވާހިނދު މިއަދުވެސް މުސްލިމުންގެ ތެރެއިން ވަރަށް ގިނަ ބަޔަކު އެކަމުގެ ޙައްލު ހޯދުމަށްޓަކައި ވަލީވެރިންގެ ޤަބުރުތަކާ ޒިޔާރަތްތަކާ ދިމާޔަށް ދުއްވައިގަނެއެވެ. އަދި އެޤަބުރުތަކުގެ އަހުލުވެރިންގެ ކިބައިން ކަންކަމަށް އެދި ދަންނަވާތަން އަހަރަމެންނަށް ފެނެއެވެ. އެފަދަ މީހުންނާމެދު ޢާލަމްތަކުގެ ވެރި ﷲ ސުބުޙާނަހޫ ވަތަޢާލާ ވަޙީކުރައްވާފައިވެއެވެ. ] وَمَنْ أَضَلُّ مِمَّن يَدْعُو مِن دُونِ اللَّـهِ مَن لَّا يَسْتَجِيبُ لَهُ إِلَىٰ يَوْمِ الْقِيَامَةِ وَهُمْ عَن دُعَائِهِمْ غَافِلُونَ y [  [سورة الأحقاف 5]  މާނައީ: قيامة ދުވަހަށް ދާނދެން، އެމީހަކަށް އިޖާބަ ނުދޭފަރާތަކަށް ﷲ ފިޔަވައި އަޅުކަންކޮށް، دعاء ކޮށްއުޅޭ މީހަކަށްވުރެން މަގުފުރެދުންބޮޑީ ކާކުހެއްޔެވެ؟ އަދި އެތަކެތިވަނީ، އެއުރެންގެ دعاء ތަކަށް غافل ވެގެންނެވެ .

އެބައިމީހުންގެ މިފަދަ ޙަރަކާތްތަކަކީ އެއްވެސް ބޭނުމެއްނެތް ބޭކާރު ޢަމަލުތަކެއްކަން ޘާބިތުކުރުމަށްޓަކައި ކައު އިތުރު ރަސޫލުﷲ ޞައްލަﷲ ޢަލައިހި ވަސަލަމަގެ އެންމެ ބަސްފުޅެއް ފުދެއެވެ. ﷲ ތަޢާލާގެ ނަބިއްޔާ z އަށް ދެންނެވުނެވެ. މީސްތަކުންގެ ތެރެއިން އެންބޮޑަށް މުޞީބާތްތަކާ އިމްތިޙާނުތައް ޖެހުނީ ކޮންބަޔަކަށްތޯއެވެ؟ މާތް ނަބިއްޔާ z ޖަވާބުގައި ޙަދީޘްކުރެއްވިއެވެ. ((اَلْأَنْبِيَاءُ ثُمَّ الْأَمْثَلُ فَالْأَمْثَلُ يُبْتَلَى الرَّجُلُ عَلَى حَسْبِ دِيْنِهِ فَاِنْ كَانَ دِيْنُهُ صُلْبًا اِشْتَدَّ بَلاَؤُهُ وَاِنْ كَانِ فِيْ دِيْنِهِ رِقَّةٌ ابْتَلاَهُ اللهُ عَلَى حَسْبِ دِيْنِهِ فَمَا يَبْرَحُ الْبَلاَءُ بِا لْعَبْدِ حَتَّى يَمْشِيْ عَلَى الَأَرْضِ وَمَا عَلَيْهِ خَطِيْئِةٌ)) [ترمذي ، ابن ماجه ، صحيح ابن حبان ، دارمي بحواله صحيح الجامع 1/231 ، حديث 993 وصحيح الترغيب 3/329] މާނައީ: މީސްތަކުންކުރެ އެންމެ ގިނަ މުޞީބާތް ޖެހިފައިވަނީ ނަބީބޭކަލުންނަށެވެ. ދެން އެއާ ޖެހުނު ރަގަޅު ބޭކަލުންނަށެވެ. ދެން އެއާ ޖެހުނު ބޭކަލުންނަށެވެ. މީހުން އިމްތިޙާނު ކުރެވެނީ އޭނާގެ ދީންވެރިކަމުގެ ނިޞްބަތުންނެވެ. ފަހެ ދީންވެރިކަމުގެ ގޮތުން ވަރުގަދަ މީހެއްނަމަ އޭނާއަށް ކުރިމަތިވާ އިމްތިޙާނުވެސް ވަރުގަދަވެގެންވެއެވެ. އަދި ދީނުގައި ބަލިކަށި މީހެއްނަމަ އޭނާއަށް ކުރިމަތިވާ އިމްތިޙާނުވެސް ލުއިވެފައި ކުޑައެވެ. ފާފަތަކުން ޠާހިރުވެގެންވާ ޙާލު ބިންމަތީގައި ހިނގައިބިނގައި އުޅެފުމަށް ދާންދެން އަޅާގެ މައްޗަށް އިމްތިޙާނުތައް އައިސްއައިސްހުރެއެވެ.

ސޫރިއާގެ މުސްލިމުންގެ ހާލަތު ހަނދުމަނެތި ނުކުރައްވާށެވެ

 ލިޔުއްވީ: އައްޝައިޚް އާދަމް ޝަމީމް ބިން އިބްރާހީމް

بسم الله الرحمن الرحيم

اللهم انصر الإسلام والمسلمين ودمر أعداءك أعداء الدين “ހައްދަވާ ބޮޑުކުރެއްވި ރަސްކަލާކޮ! އިސްލާމް ދީނާއި މުސްލިމުންނަށް ނަޞްރު ދެއްވާންދޭވެ! އަދި އިބަރަސްކަލާނގެ އާއި އިބަރަސްކަލާނގެ ދީނުގެ ޢަދާވާތްތެރިން ހަލާކު ކުރައްވާންދޭވެ!”

އަޅުގަނޑުމެން އިރުކޮޅަކުން ހަނދާންނެތެއެވެ. އަމިއްލަ، ދާޚިލީ ކަންކަމާ ހެދި އަޅުގަނޑުމެންގެ މުސްލިމު އަޚުންނާއި އުޚްތުންގެ މަތިން ހަނދާނެއް ނުހުރެއެވެ. ބައެއް މީހުނަށް ތިމާމެން ނޫން ބަޔަކު ދުނިޔޭގައި އުޅޭކަންވެސް ނޭންގޭ ކަހަލައެވެ. އެކަމަކު ދުޝްމަނުން ހުއްޓާނުލައި މުސްލިމުންނާއި މި މާތް ދީން ނިކަމެތި ކުރެވޭތޯ މަސައްކަތް ކުރެއެވެ.

މި ދީނުގެ ދުޝްމަނުން އަބަދުވެސް ކޮންމެވެސް ތަނެއްގައި މުސްލިމުންނާއި އިސްލާމް ދީީނުގެ ހުރުމަތް ކަނޑަމުން ގެންދެއެވެ. މި އަހަރު ފެށިގެން އައި އިރުގައި މިގޮތަށް މުސްލިމުންނަށް ލާ އިންސާނީ އަނިޔާ ދެމުން އައިސްފައިވާ އެއް ތަނަކީ ސޫރިއާ އެވެ. ސޫރިޔާ އަކީ މާތް ﷲ މާތް ކުރައްވާފައި ވާ ޝާމް ކަރައެވެ. ރަސޫލުންނާއި ނަބިއްޔުންނާއި މި އުންމަތުގެ އެތަކެއް ބޮޑެތި ޢިލްމުވެރިންގެ ނުކުމެފައިވާ ބިމެވެ. ނަމަވެސް ޢުޘްމާނީ ޚިލާފަތް ވެއްޓުމާއި އެކުގައި ފަރަންސީ އިސްތިޢުމާރީންގެ އެހީގައި ސޫރިޔާ އާއި ލެބްނާން ފަދަ ޝާމްގެ ބައިތަކަށް ޝީޢައިންނަށް އަތްގަދަ ކުރުމުގެ ފުރުސަތު ލިބިފައި ވެއެވެ.

އިޒްރޭލުން ފަލަސްޠީނުގެ ރަށްތަކަށް ހަލާކުވެފައިވާ މަހުގެ ބާވަތްތައް އެތެރެކުރަނީ

 ލިޔުނީ: އަލްޖައްރާހީ

އިޒްރޭލުން ފަލަސްޠީނުގެ ހުޅަނގު އައްސޭރި އާއި ޣައްޒާއަށް ޞިއްޙަތަށް ގެއްލުން ހުރި ހަލާކުވެފައިވާ މަހާއި ކާބޯތަކެތީގެ އެހެނިހެން ބާވަތްތައް ވަރަށް ގިނަ ޢަދަދަކަށް އެތެރެކުރަމުން ގެންދާކަމަށް ފަލަސްޠީނުގެ ކާބޯތަކެއްޗާ ބެހޭ އިދާރާއިން ހާމަކޮށްފިއެވެ. 

ހުޅަނގުއައްސޭރި އާއި ޣައްޒާގައި "ކޮންޒިޔުމަރުންގެ ޙައްޤުތައް" ރައްކާތެރިކުރުމަށް މަސައްކަތްކުރާ ޖަމްޢިއްޔާއަކުން ދާދިފަހުން ނެރިފައިވާ ރިޕޯޓުގައިވާގޮތުން ގިނަ ދުވަސްވުމުގެ ސަބަބުން ހަލާކުވެފައިވާ ކާބޯތަކެތީގެ ބާވަތްތައް ހުޅަނގުއައްސޭރި އާއި ޣައްޒާއަށް އިޒްރޭލުން އެތެރެކުރަމުން ގެންދަނީ އެޤައުމުގެ ތަފާތު ބަނދަރުތައް ބޭނުންކޮށްގެންނެވެ. އަދި އިޒްރޭލުގެ ކަސްޓަމްސް އޮފިސަރުންނާއި ކާބޯތަކެތީގެ ފެންވަރުބެލުމަށް ޙަވާލުވެ ތިބޭ އޮފިޝަލުންގަސްތުގައި ކާބޯތަކެތި ޗެކްކުރުމުގައި ފަރުވާކުޑަކުރާކަމަށާއި  ކަނޑުމަހާއި ކުކުޅާއި އެހެނިހެން ބާވަތްތަކުގެ މަސްވެސް އެތައް މަހެއް ވަންދެން އިޒްރޭލުގެ ތަފާތު ބަނދަރުތަކުގައި ބެހެޓުމުގެ ސަބަބުން ހަލާކުވުމަށްފަހު ފަލަސްޠީނުގެ އެކި ސަރަޙައްދުތަކަށް އެތެރެކުރަމުން ގެންދާކަމަށް ވެސް އެރިޕޯޓްގައިވެއެވެ.