ތަރުޖަމާ: އިނާޒް ޢަދުނާން
އެއްފަހަރަކު އަބޫބަކްރުއްޞިއްދީޤު ރަޟިޔަﷲ
ޢަންހުގެ އަރިހަށް ވަގަކު ގެނެވުނެވެ. އޭނާ ވައްކަންކުރިކަން ސާބިތުވުމުން އޭނާގެ
އަތް ކެނޑުމަށް އަބޫބަކްރުގެފާނު ޙުކުމްކުރެއްވިއެވެ. އެކަލޭގެފާނަކީ ނުހަނު
ހިތްޕުޅުހެޔޮ އޯގާތެރި ބޭކަލެކެވެ. އެހިނދު ވަގުކަލޭގެ ދެންނެވިއެވެ. [އޭ ރަސޫލުﷲ
ޞައްލަﷲ ޢަލައިހި ވަސައްލަމަގެ ޚަލީފާއެވެ! ތިމަންގެ މައްޗަށް ރަޙުމްކުރައްވައި
މާފުކުރައްވާށެވެ. ތިމަން މީގެކުރިން ދުވަހަކުވެސް
ވައްކަމެއްކޮށްފައެއްނުވާނެއެވެ.]
އަބޫބަކްރުއްޞިއްދީޤު ރަޟިޔަﷲ ޢަންހު
ވިދާޅުވިއެވެ. (( كَذَبْتَ وَالَّذِي نَفْسِي بِيَدِهِ! مَا غَافَصَ اللهُ مُؤْمِنًا
بِأَوَّلِ ذَنْبٍ يَعْمَلُهُ )) [ތިބާ ދޮގުހަދައިފިއެވެ. ތިމަންގެ ނަފްސު އެފަރާތެއްގެ
ބާރުގެދަށުގައިވާ ފަރާތް ގަންދީ ބުނަމެވެ. ﷲ ތަޢާލާ މުއުމިނުއަޅާއަށް ކުރެވޭ
ފުރަތަމަ ފާފައަށް ފަހަރެއްގައިވެސް އޭނާއަށް ސަޒާއެއްނުދެއްވާހުއްޓެވެ.]
އަނަސް ބުނު މާލިކް ރަޟިޔަﷲ ޢަންހު ބަޔާންކުރައްވާފައިވެއެވެ.
ޢުމަރު ބުނުލް ޚައްޠާބު ރަޟިޔަﷲ ޢަންހުގެ އަރިހަށް ވައްކަންކޮށްގެން މީހަކު
ގެނެވުނެވެ. އެމީހާ ޢުމަރުގެފާނަށް ދެންނެވިއެވެ. (( وَاللهِ ! مَا سَرَقْتُ قَبْلَهَا)) [ﷲ ގަންދީބުނަމެވެ! މީގެކުރިން ތިމަން
ވައްކަމެއްކޮށްފައެއްނުވާނެއެވެ.]
ޢުމަރު ރަޟިޔަﷲ ޢަންހު ވިދާޅުވިއެވެ. (( كَذَبْتَ وَرَبِّ عُمَرَ! مَا أَخَذَ اللهُ عَبْدًا عِنْدَ أَوَّلِ ذَنْبٍ )) [ޢުމަރުގެ ރައްބު ގަންދީ ބުނަމެވެ. ތިބާ ތިހެދީ
ދޮގެކެވެ. ﷲ ތަޢާލާ އެކަލާނގެ އަޅާއަށް ކުރެވޭ ފުރަތަމަ ފާފައަށްޓަކައި އޭނާ ނުހިތްޕަވާހުއްޓެވެ.]
އެމަޖްލީހުގައި ޢަލީ ބުނު އަބޫޠާލިބް ރަޟިޔަﷲ
ޢަންހު ވެސް އިންނެވިއެވެ. އެކަލޭގެފާނުވެސް ވިދާޅުވިއެވެ. [ﷲ ތަޢާލާއީ
ޙަލީމްވަންތަ އިލާހެވެ. އެކަލާނގެ އެކަލާނގެ އަޅާއަށް ފުރަތަމަ ފާފަކުރެވޭ
ފަހަރަކު އޭނާއަށް ސަޒާއެއް ނުދެއްވާހުއްޓެވެ. އެހެނީ އެކަލާނގެއީ އެންމެ
އޯގާވަންތަ އެންމެ ދީލަތިވަންތަ އިލާހެވެ.]
ޢުމަރު ރަޟިޔަﷲ ޢަންހު ވަގުކަލޭގެ ގެ އަތް ކަނޑަން
ޙުކުމްކުރެއްވިއެވެ. ޙުކުމް ތަންފީޒުކުރުމަށްފަހު ޢަލީ ރަޟިޔަﷲ ޢަންހު، ވަގުކަލޭގެ
އާ ސުވާލުކުރެއްވިއެވެ. [ﷲ ގެ ރަސްކަންފުޅަށްޓަކައި ނިކަން ބުނެެބަލާށެވެ! ތިބާ ކިތައްފަހަރު ވައްކަންކުރިން ހެއްޔެވެ؟]
ވަގުކަލޭގެ ޖަވާބު ދިނެވެ. [އެކާވީސް ފަހަރެވެ.]
(ނިމުނީ)
______________________________________________-
______________________________________________-
މަޞްދަރު: ސުންހެރޭ ފައިޞަލާ / ޝެއިޚް
ޢަބްދުލްމާލިކް މުޖާހިދް
nice story
ReplyDeletevarah bodu thedheh...
ReplyDelete