ލިޔުނީ: އާދަމް ޔަޢީޝް
މިދިޔަ އާދީއްތަ ދުވަހުގެ ފަތިހުު ޣައްޒާ ސަހަރުގެ އިރުމަތީގައި ހުރި ގެއަކަށް އިޒްރޭލުން ދިން ވައިގެ ހަމަަަލާއެއްގައި ފަލަސްޠީނުގެ މީހަކާއި އޭނާގެ ތުއްތު އަންހެން ދަރިފުޅަށް އެކިވަރުގެ އަނިޔާތައް ލިބި ވަރަށް ބޮޑަށް ޒަޚަމްވެއްޖެއެވެ.
"ޕަލަސްޓީނިއަން އިންފޮމޭޝަން ސެންޓަރ" ގެ ރިޕޯޓަރެއް ބުނިގޮތުގައި އިޒްރޭލުގެ ހަނގުރާމަމަތީ ބޯޓުތަކުން ވަނީ ޣައްޒާގެ އިރުމަތީ ސަރަޙައްދުގައި ހުރި ގެއަކަށް އަމާޒުކޮށް ތިން މިސައިލް ފޮނުވާލާފައެވެ. އެ ގެއަކީ ޙަމާސް ޖަމާޢަތުގެ އަސްކަރީ ގޮފިކަމުގައިވާ "އަލްޤައްސާމް ބްރިގޭޑް" ގެ ކޮމާންޑަރެއްކަމުގައިވާ ޢިމާދް ޢަޤްލް ގެ ގެއެވެ.